बुधवार, भाद्र ३ २०८३१०:१७
काठमाडौं। संयुक्त अरब अमिरेट्स (यूएई) ले इरानसँग हुने सबै व्यापारिक तथा वित्तीय कारोबार अर्को आदेश नभएसम्म निलम्बन गर्ने घोषणा गरेको छ।
समाचार एजेन्सीहरूका अनुसार, यूएईको विदेश मन्त्रालयले क्षेत्रीय तनाव बढ्दै गएर शान्ति तथा सुरक्षामा खतरा उत्पन्न भएको भन्दै यस्तो निर्णय गरेको हो।
यसअघि यूएईको रक्षा मन्त्रालयले इरानले यूएईतर्फ दुईवटा ब्यालेस्टिक मिसाइल प्रहार गरेको दाबी गरेको थियो। तर, इरानको विदेश मन्त्रालयका प्रवक्ता इस्माइल बकाईले उक्त दाबी अस्वीकार गरेका थिए।
यूएईका अनुसार प्रहार गरिएका दुईमध्ये एउटा मिसाइल यूएईको क्षेत्रीय जलक्षेत्रभन्दा बाहिर खसेको थियो भने अर्को यूएईको जलक्षेत्रभित्र खसेको थियो।
अमेरिका–इजरायल र इरानबीच युद्ध सुरु भएपछि यूएई इरानी आक्रमणको जोखिममा रहेका प्रमुख क्षेत्रीय देशहरूमध्ये एक बनेको छ।
Be the first to comment!
© 2026 All right reserved to rastrakhabar.com
Site BY Sobij
युनिकोड
पात्रो
ताजा
लोकप्रिय
प्रतिक्रिया दिनुहोस