Logo
19 May 2024    ६ जेष्ठ २०८१, आईतवार

ताजा खबर

‘मिस एण्ड मिसेस ब्युटीफुल नेपाल २०२४’ को पहिलो अडिसन सम्पन्न, दोश्रो जेष्ठ १८ मा मंगलोदय श्रृजनशिल समाजद्वारा आरुघाटको निलकण्ठ आधारभूत विद्यालयलाई शैक्षिक सामाग्री प्रदान युवराज घिमिरेको हत्या आरोपमा सात जना लागुऔषध दुर्व्यसनी पक्राउ प्रतिनिधिसभाको बैठक २ बजेलाई सर्‍यो ललितपुर आगलागी : सञ्जय गरी पनि रहेनन्, एकै परिवारका चारै सदस्यको मृत्यु किर्गीस्तानमा रहेका नेपालीलाई घरबाहिर ननिस्कन आग्रह

चीनमा फेरि कोरोना संक्रमण फैलिन थाल्यो

admin

चीनमा फेरि कोरोना संक्रमण फैलिन थालेको छ। कोरोना महामारी नियन्त्रण भएको भनिएको लामो समयपछि पुनः संक्रमित देखिन थालेपछि चीन सरकार चिन्तित बनेको छ।

चिनियाँ स्वास्थ्य अधिकारीका अनुसार पछिल्लो समय चीनको उत्तरपूर्वी तटीय सहर डालियानमा देखापरेको कोरोना संक्रमण फैलिँदै अहिले देशका ५ प्रान्तको ९ सहरमा पुगिसकेको छ ।

समाचार एजेन्सी एएफपीका अनुसार कोरोना संक्रमण फेरि जाग्न थालेपछि लकडाउनजस्ता प्रतिबन्ध पुनः सुरु गर्नुपर्ने देखिएको चिनियाँ अधिकारीले बताएका छन् । गत वर्ष (सन् २०१९) अन्तिमतिर चीनमा सुरु भएको कोरोना संक्रमण लकडाउनलगायत प्रतिबन्ध लगाइएपछि नियन्त्रणमा आएको थियो। तर केही दिनयता चीनका विभिन्न स्थानमा कोरोना संक्रमण पुनः देखापर्न थालेको हो।

मंगलबार मात्रै चीनमा ६८ जना नयाँ संक्रमित भेटिएका हुन्। यो संख्या अप्रिलयताकै ठूलो भएको चिनियाँ अधिकारीले जनाएका छन्।

त्यसमा पनि ५७ संक्रमित सिन्जियाङ प्रान्तका मात्र हुन्। यस्तै लियोनिङ प्रान्तको पोर्ट सिटी डालियानमा पनि ६ जनामा कोरोना संक्रमण पुष्टि भएको छ।

पछिल्लो हप्ता चीनस्थित सामुद्रिक खाना प्रशोधन गर्ने एक कारखानामा धेरै जनामा कोरोना संक्रमण भएको छ। डालियान सहरमा मात्रै नयाँ संक्रमित ४४ जना भइसकेका छन्।

जहाँ एक जना लक्षणबिनै संक्रमित भएको पाइएपछि स्थानीय अधिकारीले बाहिरबाट आउने मानिसको कडा निगरानी गर्न थालेका छन् ।

मंगलबार बेइजिङमा पनि एक जना संक्रमित फेला परेका छन्। उनले डालियानकै एक जना लक्षण नभएका संक्रमितसँग सम्पर्क गरेका थिए। डालियानमा मंगलबार पुष्टि भएका १२ संक्रमितमा कोरोनाका कुनै लक्षण थिएनन्। चीनमा अहिले पनि ३ सय ९१ कोरोना संक्रमित अस्पतालमा छन्।


लोकप्रिय समाचार
ताजा समाचार
धेरै पढिएको