काठमाडौँ । नेपाली मिडिया, सांस्कृतिक तथा इभेन्ट व्यवस्थापन क्षेत्रमा पछिल्ला वर्षहरूमा सक्रिय र प्रभावशाली नामका रूपमा उभिएका राजेन्द्र लुइटेल ले राष्ट्रिय मात्र होइन अन्तर्राष्ट्रिय स्तरमै नेपालको पहिचान मजबुत बनाएका छन्। पत्रकारिता, संगीत भिडियो निर्देशन, इभेन्ट व्यवस्थापन र सामाजिक सेवामा निरन्तर सक्रिय लुइटेल हाल विश्व रेकर्डधारी व्यक्तित्व तथा बहुप्रतिष्ठित अन्तर्राष्ट्रिय पुरस्कारप्राप्त नेपाली का रूपमा परिचित छन्।
प्रिन्ट पत्रकारिताबाट करियर सुरु गरेका लुइटेल समयक्रममा डिजिटल मिडिया, म्यागजिन प्रकाशन, कार्यक्रम व्यवस्थापन र दृश्य–श्रव्य सिर्जनाको क्षेत्रमा अग्रसर बने। उनी राष्ट्रखबर डटकम, रास्ट्रखबर पत्रिका, Pageant Nepal लगायतका सञ्चार माध्यमसँग आबद्ध रहँदै आएका छन् भने Fair Express Magazine का प्रबन्ध निर्देशकको भूमिकामा पनि कार्यरत छन्।
विश्वकै उच्च स्थानमा बनेको संगीत भिडियो
राजेन्द्र लुइटेलको करियरको सबैभन्दा चर्चित उपलब्धि भनेको तिलिचो ताल क्षेत्र (५,१०५ मिटर) उचाइमा निर्माण गरिएको संगीत भिडियो हो। सो भिडियो निर्देशनमार्फत उनले Guinness World Records मा आफ्नो नाम दर्ता गराउन सफल भए। यो उपलब्धिले नेपाललाई विश्व मञ्चमा चिनाएको भन्दै देशभित्र तथा बाहिर व्यापक चर्चा पायो। उक्त विश्व रेकर्डका लागि उनलाई राष्ट्रपतिको तहबाट समेत सम्मान गरिएको छ।
अन्तर्राष्ट्रिय पुरस्कार र सम्मान
लुइटेलले संगीत भिडियो निर्देशन, पत्रकारिता, सञ्चार तथा सामाजिक योगदानका लागि नेपाल, भारत र अन्य देशहरूमा आयोजना भएका विभिन्न अन्तर्राष्ट्रिय समारोहमा सम्मान पाएका छन्। उनले थाइल्याण्डमा आयोजित हिमालयन अन्तर्राष्ट्रिय अवार्ड बाट Best Music Video Director को उपाधि प्राप्त गरेका छन् भने नेपालमै आयोजित ९औँ नेशनल क्यापिटल अवार्ड बाट पनि उत्कृष्ट संगीत भिडियो निर्देशकको सम्मान पाएका छन्।
यसका साथै उनलाई भारतमा प्रदान गरिने दादा साहेब फाल्के इन्डियन टेलिभिजन अवार्ड, डा. ए.पी.जे. अब्दुल कलाम सेवा अवार्ड, महात्मा गान्धी अन्तर्राष्ट्रिय अवार्ड, इन्टरनेशनल युथ आइकन अवार्ड, इन्टरनेशनल पिस अवार्ड तथा युनिभर्सल बुक अफ वर्ल्ड रेकर्ड्स बाट समेत सम्मानित गरिएको छ। विभिन्न राष्ट्रिय तथा अन्तर्राष्ट्रिय संस्थाबाट प्राप्त सम्मान र अवार्डको संख्या २०० भन्दा बढी रहेको उल्लेख गरिएको छ।
इभेन्ट व्यवस्थापन र नेतृत्व
लुइटेल इभेन्ट म्यानेजमेन्ट एसोसिएसन अफ नेपाल को केन्द्रीय नेतृत्वमा रहेर देशभर सांस्कृतिक, सामाजिक, फेसन तथा व्यवसायिक कार्यक्रमहरू आयोजना तथा व्यवस्थापन गर्दै आएका छन्। उनले इभेन्ट व्यवस्थापनलाई व्यवस्थित पेशाका रूपमा स्थापित गर्न उल्लेखनीय योगदान दिएको मूल्याङ्कन गरिन्छ।
सामाजिक उत्तरदायित्व
व्यावसायिक सफलतासँगै लुइटेल सामाजिक सेवामा पनि सक्रिय छन्। कोभिड–१९ महामारीका बेला देशका विभिन्न जिल्लामा राहत तथा सहयोग अभियान सञ्चालन गरी प्रभावित समुदायलाई सहयोग पुर्याएका थिए। सामाजिक उत्तरदायित्वलाई पेशागत जीवनसँग जोड्दै अघि बढ्नु उनको पहिचान बनेको छ।
नेपालको पहिचान विश्वमञ्चमा
राजेन्द्र लुइटेलका उपलब्धिहरू केवल व्यक्तिगत सफलतामा सीमित छैनन्। उनले निर्देशन गरेका विश्व रेकर्डधारी परियोजना, प्राप्त अन्तर्राष्ट्रिय सम्मान र सञ्चार तथा सांस्कृतिक क्षेत्रमा पुर्याएको योगदानले नेपालको नाम अन्तर्राष्ट्रिय मञ्चमा चिनाउन महत्वपूर्ण भूमिका खेलेको विश्लेषकहरूको भनाइ छ।
पत्रकारिता, सिर्जना, नेतृत्व र सामाजिक सेवाको संयोजनमार्फत अगाडि बढिरहेका लुइटेलको यात्रालाई आधुनिक नेपाली बहुआयामिक सफलताको उदाहरणका रूपमा हेरिएको छ।
Rajendra Luitel-Raj-Dada saheb falke indian television awards
