लोक तथा आधुनिक दुवै शैलीमा आफ्नो अलग पहिचान बनाउन सफल गायिका तथा संगीतकार रमा थापाको नयाँ गीत ‘पियारा बसेछौ मुटुमा’ सार्वजनिक भएको छ। गीतमा उनलाई गायक रञ्जन राई ले स्वरमा साथ दिएका छन्।
गीतमा प्रेममा परेको मनको भावनालाई सरल शब्द र मधुर धुनमार्फत प्रस्तुत गरिएको छ। भिडियोमा ग्रामीण जीवनको सौन्दर्य र आधुनिक प्रेमकथाको मिश्रण देखाइएको छ।
रमा थापाले गीतबारे जानकारी दिँदै भने, “यो गीतले साधारण प्रेमकथालाई शुद्ध भावनासहित उतार्ने प्रयास गरेको छ। श्रोताले पुरानो मिठाससँगै नयाँ स्वाद पाउनुहुनेछ भन्ने विश्वास छ।”
थापा लामो समयदेखि नेपाली संगीत क्षेत्रमा सक्रिय छन्।
गीत सार्वजनिक भएसँगै सामाजिक सञ्जालमा सकारात्मक प्रतिक्रिया आइरहेका छन्। एक श्रोता लेख्छन्, “गीतले पुरानो भावनाको मिठास सम्झाइदिन्छ, थापा अझै सक्रिय हुनु नेपाली संगीतका लागि गर्वको कुरा हो।”
यसरी, ‘पियारा बसेछौ मुटुमा’ ले थापाको संगीत यात्रामा अर्को रंग थपेको छ।
