काठमाडौं। दसैँलाई लक्षित गर्दै आज (असोज १३) तीनवटा नेपाली चलचित्र एकैदिन प्रदर्शनमा आएका छन्।
हरिवंश आचार्य स्टारर ‘हरिबहादुरको जुत्ता’, समीर भट्टको मुख्य भूमिका रहेको ‘बलिदान’ र धीरज मगर नायक रहेको ‘माइतीघर’ आजदेखि देशभर प्रदर्शनमा आएका हुन्।
मल्टिप्लेक्समा ‘बलिदान’लाई बढी शो
मल्टिप्लेक्सहरूले गरेको बाँडफाँटमा सबैभन्दा धेरै शो **‘बलिदान’**ले पाएको छ।
त्यस्तै, ‘हरिबहादुरको जुत्ता’ र **‘माइतीघर’**ले बराबरी शो पाएका छन्।
एक्सन ड्रामा ‘बलिदान’
सन्तोष सेन निर्देशित एक्सन ड्रामा **‘बलिदान’**मा समीर भट्ट मुख्य भूमिकामा छन्।
उनसँगै सौगात मल्ल, ऋचा शर्मा, हेमन्त बुढाथोकी र सन्तोष सेन स्वयंले पनि अभिनय गरेका छन्।
कमेडी–सोसल ड्रामा ‘हरिबहादुरको जुत्ता’
दीपेन्द्र के. खनालको निर्देशनमा बनेको **‘हरिबहादुरको जुत्ता’**मा हरिवंश आचार्य प्रमुख भूमिकामा देखिएका छन्।
उनीसँगै स्वस्तिमा खड्का र प्रकाश सपूत पनि मुख्य भूमिकामा छन्।
सोसल ड्रामा ‘माइतीघर’
मिलन तामाङको निर्देशनमा बनेको सोसल ड्रामा ‘माइतीघर’ उनको डेब्यु निर्देशन हो।
चलचित्रमा धीरज मगर, केदार घिमिरे, उपासनासिंह ठकुरी र प्रकाश सपूत मुख्य भूमिकामा छन्।
