२०८३, मंसिर ४ गते

बिहिवार, मंसिर ४ गते २०८३

आईपीएलमा धोनीको नयाँ भूमिका, चेन्नाई सुपर किंग्सको मेन्टर नियुक्त

मंगलवार, मंसिर २ २०८३०८:२१

भारतीय क्रिकेटका चर्चित खेलाडी महेन्द्रसिंह धोनी इन्डियन प्रिमियर लिग (आईपीएल) मा नयाँ भूमिकामा देखिने भएका छन्। चेन्नाई सुपर किंग्सले धोनीलाई टोलीको मेन्टर नियुक्त गर्ने घोषणा गरेको छ।

चेन्नाईले आफ्नो आधिकारिक वेबसाइटमार्फत धोनीलाई मेन्टर नियुक्त गरिएको जानकारी दिएको हो। टोलीले धोनीको योगदानको प्रशंसा गर्दै उनलाई सुरुदेखि नै टोलीका प्रमुख खेलाडीका रूपमा रहेको उल्लेख गरेको छ।

धोनीले आगामी सिजन खेल्ने वा नखेल्ने विषय लामो समयदेखि अन्योलमा थियो। भारतीय सञ्चारमाध्यम ‘द इकोनोमिक टाइम्स’ ले सन् २०२५ अगस्ट ११ मा प्रकाशित गरेको समाचारअनुसार एक कार्यक्रममा समर्थकले आगामी आईपीएल खेल्नेबारे सोध्दा धोनीले आफूलाई थाहा नभएको जवाफ दिएका थिए।

खुट्टामा चोट लागेका कारण उनले सन् २०२६ को आईपीएलसमेत खेलेनन्। त्यसपछि सन् २०२७ को सिजनमा उनको सहभागितालाई लिएर पनि अन्योल कायम थियो। चेन्नाईको पछिल्लो घोषणासँगै उनी अब खेलाडीका रूपमा नभई मेन्टरको भूमिकामा रहने बुझिएको छ।

धोनी सन् २००८ देखि चेन्नाई सुपर किंग्समा आबद्ध छन्। सन् २०१४ र २०१५ मा भने उनले राइजिङ पुने सुपरजायन्ट्सबाट खेलेका थिए। त्यसबाहेक उनले चेन्नाईबाटै आईपीएलका अधिकांश सिजन खेलेका छन्।

उनको कप्तानीमा चेन्नाईले सन् २०१०, २०११, २०१८, २०२१ र २०२३ गरी पाँच पटक आईपीएलको उपाधि जितेको थियो। धोनीले आईपीएलमा हालसम्म पाँच हजार ४३९ रन बनाएका छन्।

सन् २०२३ को सिजन चेन्नाईका लागि विशेष रह्यो। धोनीकै कप्तानीमा टोलीले फाइनलमा गुजरात टाइटन्सलाई पाँच विकेटले पराजित गर्दै उपाधि जितेको थियो। यससँगै धोनीले कप्तानका रूपमा चेन्नाईलाई पाँचौँ पटक च्याम्पियन बनाएका थिए।

खबर पढेर तपाईलाई कस्तो महसुस भयो ?

प्रतिक्रिया दिनुहोस

write your comment
Anonymous
0/1000
Your information is secure and private
0

No Comments Yet

Be the first to comment!

ताजा अपडेट
चर्चित
सम्बन्धित समाचार
ताजा समाचार
  • Site BY Sobij