देशका विभिन्न स्थानमा आज र भोलि भारी वर्षा र हिमपातको सम्भावना रहेको भन्दै राष्ट्रिय विपद् जोखिम न्यूनीकरण तथा व्यवस्थापन प्राधिकरणले ४४ जिल्लामा उच्च सतर्कता अपनाउन आग्रह गरेको छ।
कोसी, वाग्मती र गण्डकी प्रदेशका उच्च पहाडी तथा हिमाली भूभागमा भारी हिमपात र कोसी, मधेस, वाग्मती र लुम्बिनी प्रदेशका केही स्थानमा भारी वर्षा हुने अनुमान गरिएको छ।
प्राधिकरणले सडक, हवाई यातायात, कृषि र पर्यटन क्षेत्रमा प्रभाव पर्न सक्ने भन्दै अत्यावश्यक नपरी यात्रा नगर्न, डुबान सम्भावित बस्तीका बासिन्दालाई सुरक्षित स्थानमा सर्न र नदी किनारका बासिन्दालाई सतर्क रहन आग्रह गरेको छ।
सुरक्षा निकाय, स्थानीय तह र सम्बन्धित समिति तथा संस्थाहरूलाई पूर्वतयारी र प्रतिकार्यका लागि तयारी अवस्थामा रहन निर्देशन दिइएको छ।
लोकप्रिय समाचार
