ललितपुरको लुभुमा एक व्यक्तिको शव इनारमा फालिएको अवस्थामा फेला परेको छ । सिन्धुलीका केशव हायुको शव भेटिएको जिल्ला प्रहरी परिसर ललितपुरले जनाएको छ ।
हायु वैदेशिक रोजगारीमा जान ललितपुरको एक कृषि फार्ममा बस्दै आएका थिए । उनको शव नजिकै रहेको इनारमा फेला परेको हो । हायुको हत्यापछि शव इनारमा फालिएको प्रहरीले आशंका गरेको छ ।
बुधबार (पुस २) साँझ स्थानीयको सूचनाका आधारमा हायुको शव फेला परेको प्रहरीले जनाएको छ ।
प्रहरीले विभिन्न कोणबाट अनुसन्धान थालेको छ । केही शंकास्पद व्यक्तिमाथि सोधपुछ भइरहेको प्रहरीले जनाएको छ ।
लोकप्रिय समाचार
