२०८३, मंसिर ७ गते

आइतवार, मंसिर ७ गते २०८३

भारत ‘ए’द्वारा नेपाललाई ३३३ रनको लक्ष्य

शुक्रवार, मंसिर ५ २०८३०७:५४

एसीसी एसिया कप इमर्जिङ स्टार्स क्रिकेट प्रतियोगितामा भारत ‘ए’ले नेपालसामु ३३३ रनको लक्ष्य प्रस्तुत गरेको छ।

कतारको दोहास्थित वेस्ट इन्ड पार्क अन्तर्राष्ट्रिय क्रिकेट रंगशालामा टस हारेर पहिले ब्याटिङ गरेको भारतले निर्धारित ५० ओभरमा ९ विकेट गुमाएर ३३२ रन बनाएको हो।

भारतका कुमार कुशाग्रा र तिलक वर्माले शतकीय इनिङ खेले। कुशाग्राले सर्वाधिक ११७ रन बनाए। उनले १०२ बलको सामना गर्दै १० चौका र चार छक्का प्रहार गरे।

त्यस्तै, तिलक वर्माले ११३ बलमा ६ चौका र चार छक्काको मद्दतले १०७ रन जोडे। शुर्यान्स सेड्गेले अविजित ३६ तथा वैभव सूर्यवंशीले २६ रन बनाए।

बलिङतर्फ नेपालका ललितनारायण राजवंशी र कप्तान सन्दीप लामिछानेले समान तीन–तीन विकेट लिए। नन्दन यादवले दुई तथा पवन सर्राफले एक विकेट हात पारे।

अब नेपालले जितका लागि ५० ओभरमा ३३३ रन बनाउनुपर्नेछ।

 
 
 

खबर पढेर तपाईलाई कस्तो महसुस भयो ?

प्रतिक्रिया दिनुहोस

write your comment
Anonymous
0/1000
Your information is secure and private
0

No Comments Yet

Be the first to comment!

ताजा अपडेट
चर्चित
सम्बन्धित समाचार
ताजा समाचार
  • Site BY Sobij