Logo
23 Jul 2024    ८ श्रावण २०८१, मंगलवार

ताजा खबर

विद्यार्थी छात्रवृत्ति परीक्षामा ८ हजार १९७ जना उत्तीर्ण कांग्रेस सांसद सुनिल शर्माविरुद्ध नक्कली प्रमाणपत्रमा मुद्दा नचल्ने प्रतिनिधिसभा बैठक बस्दै ‘नालापानी’को नया ट्रेलर सार्वजनिक,श्रावण २५ बाट देशभर प्रदर्शन हुँदै रामदत्त जोशी एआइजीपीमा बढुवा सिफारिस दुई हजार ‘केयरगिभर’ लैजान इजरायल सहमत

होलीमा उपत्यकाबाट ११ सय ३ मोटरसाईकल नियन्त्रणमा २१ महिलासहित ४ सय २५ पक्राउ

admin

फागु पुर्णिमाको दिन ट्राफिक नियम उल्लघन गर्ने ११ सय ३ मोटरसाईकललाई महानगरिय ट्राफिक प्रहरी महाशाखाले नियन्त्रणमा लिएको छ । त्यस्तै प्रहरी परिसर काठमाडौंले शान्ति सुरक्षामा खलल पुऱ्याउने र अवान्छित गतिविधिमा संग्लन २१ महिला सहित ४ सय २५ लाई पक्राउ गरेको छ ।

परिसरका प्रमुख एसएसपी विश्वराज पोख्रेलका अनुसार काठमाडौंका विभिन्न स्थानमा होलीको नाममा शान्ति सुरक्षामा खलल पुऱ्याउने र अवाञ्छित गतिविधिमा संग्लन भएकाहरुलाई पक्राउ गरिएको हो । होलीका दिनभर काठमाडौंको सुरक्षा कडा पारिएका कारण कुनै ठुलो घटना भएन । प्रहरी परिसर काठमाडौंले मात्रै ३५ सय भन्दा धेरै प्रहरी र २५ वटा मोबाईल टोली होलीको सुरक्षाका निम्ती परिचालन गरेको थियो ।

महानगरिय ट्राफिक प्रहरी महाशाखाका सहायक प्रवक्ता मुकुन्द मरासिनीका अनुसार धेरैजसोले कागजपत्र विना नै सवारी चलाएका कारण मोटरसाईकल नियन्त्रणमा लिनुपरेको थियो । साँझ ६ बजेसम्म महाशाखाले मदिरा सेवन गरी चलाइएको ८३ मोटरसाईकल, तीन जना सवार १ सय २५ मोटरसाईकल, तिव्र गतिमा सवारी हाँक्ने ३२, हेल्मेट विना सवारी चलाउने ७५ र बाङ्गो टिङ्गो गरी हाँकेका ३२ मोटरसाईकल नियन्त्रणमा लिइएको छ ।

होलीको दिन ट्राफिक नियम उल्लघन हुने सम्भावना देखेर उपत्यकाका तीन जिल्ला काठमाडौं, भक्तपुर र ललितपुरमा ट्राफिक महाशाखाले नियमित एक सय स्थानमा हुने चेकजाँचका अलवा अन्य ८५ स्थानमा थप चेकजाँच गरेको थियो । सहायक प्रवक्ता मुकुन्द मरासिनीका अनुसार ट्राफिक नियमको पालना गराउन महाशाखाले तीनै जिल्ला समेटने गरी मोबाईल टोली समेत परिचालन गरेको थियो ।


लोकप्रिय समाचार
ताजा समाचार
धेरै पढिएको